Կրիստինան երազում է մի օր հեծանիվով աշխատանքի գալու մասին։ Բայց քանի որ Վանաձորից Դեբետ հասնել այնքան էլ հեշտ չէ, ստիպված բավարարվում է ընդմիջման ժամերին ՍՄԱՐԹ-ի քայլուղով հեծանիվ քշելով։

Նոր բնակավայր, նոր հետաքրքրություն։ Կրիստինան շախմատ խաղալ է սովորում, բայց, ինչպես տեսնում եք, լուրջ ու մտածկոտ դեմք ընդունել դեռ չի ստացվում։

Առավոտները, երբ արևի լույսով ու ջերմությամբ է լցվում սենյակը, Կրիստինան սկսում է նկարել։

Ուկուլելեն Կրիստինայի «պարապ վախտի խաղալիքն» է, ու, ինչպես ինքն է ասում, շատ հարմար է ճամփորդելուց հետը ման տալ։

Երբեմն այնքան են տարվում նկարելով, որ չեն նկատում, թե ինչպես է դասն ավարտվում։

Կրիստինան ազատ օրերն ամբողջությամբ տրամադրում է նկարելուն։

Մի փոքր տեխնիկական ուղղորդում, և կտավը ավարտին կհասցվի։

Ստեղծագործական խառնաշփոթ։