Երեկոյան, երբ Բարսեղյանների ողջ ընտանիքը հավաքվում է, հյուրասենյակի գորգը վերածվում է տատամիի, որտեղ քույր ու եղբայր ձյուդոյի նոր հնարքներն են փորձում։ Լավագույն կատարողը ուժերը փորձում է հայրիկի հետ։

10-ամյա Սյուզաննան ձյուդոյի մասին իմացել է հեռուստացույցից։ Առաջին իսկ հնարավորության դեպքում նա ու նրա 9-ամյա եղբայրը՝ Աշոտը, գրանցվեցին ՔՈԱՖ-ի ձյուդոյի ծրագրին։

«Սկզբում խմբում երկու աղջիկ էինք, հետո մնացի մենակ ես»,- ասում է Սյուզաննան ու հավելում, որ ուզում է միաժամանակ և՛ պրոֆեսիոնալ սպորտով զբաղվել, և՛ բանկում աշխատել։

Դպրոցից հետո նա շտապում է մայրիկի աշխատավայր՝ վարսավիրանոց, որտեղ դասերն է պատրաստում, իսկ կարճ ընդիմիջումներին էլ` մայրիկին օգնում։

Հանգստյան օրերը Սյուզաննան նվիրում է պարի պարապմունքներին ու փոքր եղբորն է խնամում։

Շատ է ուզում ճամփորդել ու որոշել է ճամփորդությունը սկսել Գերմանիայից և ԱՄՆ-ից։