ԱՇԽԱՏԱՆՔ

ՔՈԱՖ-ը մենք բոլորս ենք

Ամեն հրաշալի նախաձեռնության ետևում նվիրյալների թիմ կա։ Միացի՛ր մեր թիմին, դարձի՛ր ՔՈԱՖ-ի մի մասն ու ինքդ էլ փոխիր հազարավոր մարդկանց կյանքեր դեպի ավելի լավը։
Միասին մենք աշխատում ենք, քննարկում ենք, ծիծաղում ենք, կիսում ենք, փոխում ենք, ստեղծում ենք, և, որ ամենակարևորն է, այդ ամենից հաճույք ենք ստանում։
Գտի՛ր քո առաքելությունը մեզ մոտ։

ՏՐԱՆՍՊՈՐՏԻ ԿԱԶՄԱԿԵՐՊԻՉ

ՔՈ ԴԵՐԸ

Եթե դու նպատակասլաց և եռանդուն ես, ունես տրանսպորտային ծառայությունների կազմակերպման փորձառություն, ապա ՔՈԱՖ-ի («Հայաստանի մանուկներ» բարեգործական հիմնադրամ) Լոռվա մարզի Դեբետ համայնքում գտնվող ՍՄԱՐԹ Կենտրոնի տրանսպորտի կազմակերպչի դերը հենց քեզ համար է։ Առավել մանրամասն․

Տրանսպորտի համակարգում և վերահսկողություն (85%)

  • Կազմել և օրական կտրվածքով թարմացնել ՍՄԱՐԹ կենտրոնի շահառու համայնքների ծրագրային երթերը, փոխանցել ուսանողների ցանկերը ուղևորափոխադրողին։
  • Համակարգել կենտրոնի բոլոր ծրագրերի  ապահով և ճշգրիտ  ուղևորափոխադրումների կազմակերպումը դեպի ՔՈԱՖ ՍՄԱՐԹ Կենտրոն և դեպի համայնք:
  • Հետևել երթերի գործարկմանն ու հետադարձ կապ ապահովել երթևեկության կազմակերպիչների հետ որակի բարելավման նպատակով։
  • Համագործակցել ուղևորափոխադրումներ իրականացնող գործընկեր կազմակերպությունների հետ ըստ անհրաժեշտության անձնակազմի կամ հյուրերի փոխադրումները կազմակերպելու համար։
  • Աջակցել ծրագրերի շահառուների, մասնակիցների և ծնողների հետադարձ կապի ապահովմանը:
  • Կազմել և ներկայացնել տրանսպորտային և այլ վիճակագրական հաշվետվություններ:
  • Օժանդակել ՍՄԱՐԹ Կենտրոնի ծրագրավարներին և կրթական պատասխանատուներին:

Համագործակցություն ՔՈԱՖ թիմերի ու աշխատակիցների հետ  (15%)

  • Ունենալ շաբաթական հանդիպումներ կրթական գործառնությունների թիմի անդամների հետ և ապահովել տեղեկատվության սահուն հոսք։
  • Ներկայացնել առաջարկներ՝ ուղղված ՔՈԱՖ ՍՄԱՐԹ կենտրոնի տրանսպորտային համակարգի ծառայության արդյունավետության բարձրացմանը։
  • Համակարգել Դեբետ գյուղից դեպի ՍՄԱՐԹ կենտրոն տրանսպորտային կապը աշխատակիցների, դպրոցի սաների, մանկան զարգացման ծրագրի և այլ օղակների հետ։

ՔՈ ԹԻՄԸ

ՔՈԱՖ ՍՄԱՐԹ կենտրոնի տրանսպորտի կազմակերպչի դերը ստանձնելով՝ միանալու ես ՍՄԱՐԹ բիզնես և գործառնությունների թիմին և աշխատելու ես ՍՄԱՐԹ բիզնես և գործառնությունների ղեկավարի անմիջական առաջնորդությամբ։

ԴՈՒ

Մենք ակնկալում ենք, որ

 

ԴՈՒ ՏԻՐԱՊԵՏԵՍ

  • Գերազանց հայերենի՝ բանավոր և գրավոր։
  • Անգլերեն և ռուսերեն լեզուների։
  • G-Suite և հատկապես Google Sheet հարթակների գերազանց օգտագործմանը։
  • Ժամանակի կառավարման հմտություններին։

ԴՈՒ ՈՒՆԵՆԱՍ 

  • Վերլուծական մտածողություն, հաշվարկելու ունակություն և տվյալների հետ աշխատելու կարողություն:
  • Արտակարգ իրավիճակներում արագ կողմնորոշվելու, արդյունավետ լուծումներ գտնելու կարողություն։
  • Սթրեսային պայմաններում ինքնուրույն աշխատելու, ժամկետների պահպանման կարողություն։
  • Հանրապետական ու միջգյուղական ճանապարհների բաշխվածության, ճանապարհային անվտանգության մարմինների աշխատանքի մասին հստակ պատկերացում։

ԴՈՒ ԼԻՆԵՍ

  • Պատրաստ մասնագիտական զարգացման։
  • Պատրաստ աշխատել թիմային միջավայրում:
  • Սոցիալապես պատասխանատու։
  • Շարունակական կրթության գաղափարի կրող:
  • Պատասխանատու և հաշվետու:

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 66 համայնքների ավելի քան 107,000 բնակիչները:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։

ՄԵՆՔ ԱՌԱՋԱՐԿՈՒՄ ԵՆՔ

  • Կյանք փոխող աշխատանքային փորձ,
  • Մասնագիտական աճի հնարավորություններ,
  • Անվճար անգլերենի և/կամ արևելահայերենի դասընթացներ՝ ըստ կարիքի,
  • Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Դիմի՛ր հիմա

Վերջնաժամկետը սեպտեմբերի 30-ի օրվա ավարտն է։

Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։