ԱՇԽԱՏԱՆՔ

ՔՈԱՖ-ը մենք բոլորս ենք

Ամեն հրաշալի նախաձեռնության ետևում նվիրյալների թիմ կա։ Միացի՛ր մեր թիմին, դարձի՛ր ՔՈԱՖ-ի մի մասն ու ինքդ էլ փոխիր հազարավոր մարդկանց կյանքեր դեպի ավելի լավը։
Միասին մենք աշխատում ենք, քննարկում ենք, ծիծաղում ենք, կիսում ենք, փոխում ենք, ստեղծում ենք, և, որ ամենակարևորն է, այդ ամենից հաճույք ենք ստանում։
Գտի՛ր քո առաքելությունը մեզ մոտ։

ՔՈ ԴԵՐԸ

Եթե սիրում ես աշխատել գյուղերում, ունես փորձառություն բիզնեսների զարգացման ոլորտում, մոտիվացված ես և պատրաստ աճելու արագ զարգացող միջավայրում, ապա ՔՈԱՖ-ում («Հայաստանի մանուկներ» բարեգործական հիմնադրամ) Բիզնես ծրագրերի համակարգողի դերը հենց քեզ համար է։ Առավել մանրամասն․

 

ՔՈ ԹԻՄԸ

Բիզնես ծրագրերի համակարգողի դերը ստանձնելով՝ դու միանալու ես ՔՈԱՖ-ի Գյուղական ծրագրերի թիմին և աշխատելու ես Գյուղական ծրագրերի ղեկավարի անմիջական ղեկավարությամբ։ Սպասելով քեզանից ավելին՝ մենք ակնկալում ենք, որ․

 

ԴՈՒ ԿԻՐԱԿԱՆԱՑՆԵՍ ՀԵՏԵՎՅԱԼ ԳՈՐԾԱՌՈւՅԹՆԵՐԸ

  • Մշակել թիրախ գյուղական համայնքների տնտեսական զարգացման մոդել՝ շեշտադրելով բիզնեսների զարգացումը
  • Մշակել և ներդնել տնտեսական զարգացման ծրագրերի իրականացման մեխանիզմներ ու գործառնական մոդելներ
  • Աշխատել առկա բիզնեսների զարգացման և նոր բիզնեսների ստեղծման ու ձևավորման վրա
  • Նպաստել համայնքի հանրային հաստատությունների և բիզնեսների կարողությունների զարգացմանը
  • Ստեղծել և պահպանել գործընկերային հարաբերություններ բոլոր շահագրգիռ կողմերի՝ ներառյալ համայնքների, շահառուների, միջազգային և տեղական գործընկերների, ներդրողների հետ
  • Ապահովել համապատասխան մշտադիտարկման ու գնահատման գործառույթներ
  • Համակարգել տնտեսական զարգացման բոլոր ծրագրերը, ներառյալ մշակումը, պլանավորումը, բյուջետավորումը, իրականացումը, մոնիթորինգն ու հաշվետվությունը

 

ԴՈՒ ՈւՆԵՆԱՍ ՀԵՏԵՎՅԱԼ ԳԻՏԵԼԻՔՆԵՐՆ Ու ՀՄՏՈւԹՅՈւՆՆԵՐԸ 

  • Տնտեսագիտության և/կամ բիզնես կառավարման և հարակից ոլորտներում բարձրագույն կրթություն
  • Առնվազն հինգ տարվա մասնագիտական աշխատանքային փորձ
  • Ծրագրերի կառավարման հմտություններ
  • Գերազանց հաղորդակցման հմտություններ
  • Վերլուծական մտածողություն ու տվյալների հետ աշխատանքի կարողություն
  • Տեղեկատվական տեխնոլոգիաների և համակարգչի հմուտ կիրառում
  • Բանավոր և գրավոր հայերենի և անգլերենի գերազանց իմացություն
  • Ծանրաբեռնված պայմաններում ինքնուրույն աշխատելու և վերջնաժամկետները պահպանելու ունակություն
  • Գյուղական համայնքներում աշխատելու փորձ
  • Պարբերաբար համայնքային այցելությունների (հաճախ նաև գիշերակացով) ճկունություն և պատրաստակամություն

 

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 64 համայնքների ավելի քան 107,000 բնակիչները:

2015թ. սկսած՝ ՔՈԱՖ-ը մշակել և իրագործում է նոր տեսլական՝ ՍՄԱՐԹ նախաձեռնություններ: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: ՍՄԱՐԹ-ը կդառնա զարգացման օրինակելի մոդել և կկրկնօրինակվի Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։ 

 

ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։

 

ՄԵՆՔ ԱՌԱՋԱՐԿՈՒՄ ԵՆՔ

  • Կյանք փոխող աշխատանքային փորձ
  • Աշխատանք, որը կկարևորես ու կսիրես
  • Մրցակցային աշխատավարձ
  • Առողջության ապահովագրություն
  • 20 օր վճարվող արձակուրդ և լրացուցիչ վճարվող ազատ ժամեր,
  • Մասնագիտական աճի հնարավորություններ
  • Անվճար անգլերենի դասընթացներ՝ ըստ կարիքի
  • Կատարողականի բոնուս
  • Դրական և ստեղծագործ աշխատանքային միջավայր

 

ՍՊԱՍՈՒՄ ԵՆՔ ՔԵԶ

Դիմիր այս հղումով՝ https://coaf.bamboohr.com/jobs/view.php?id=16 

Վերջնաժամկետը հունվարի 31-ի օրվա ավարտն է։ 

Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։