Լոգոպեդ

ՔՈ ԴԵՐԸ

Եթե դու նպատակասլաց, ստեղծագործ, ակտիվ, լավ հաղորդակցվող մասնագետ ես, ապա Քարակերտում ՔՈԱՖ-ի («Հայաստանի մանուկներ» բարեգործական հիմնադրամ) Երեխայի և ընտանիքի կենտրոնի լոգոպեդի դերը հենց քեզ համար է։ Առավել մանրամասն․

Լոգոպեդական միջամտություններ (80%)

Դիտարկել և բացահայտել շահառու համայնքների երեխաների և մեծահասակների խոսքային խանգարումները, հաղորդակցման դժվարությունները։
Իրականացնել յուրաքանչյուր շահառուի համալիր գնահատում։
Հետազոտման արդյունքների հիման վրա իրականացնել անհատական և խմբային լոգոպեդական ծառայություններ։
Խոսքային խնդիրների շտկման նպատակով կիրառել համապատասխան շտկողական, ուսուցողական մեթոդներ և գործիքներ։

Կրթություն և իրազեկում (10%)

Կազմակերպել և իրականացնել դասընթացներ շահառու երեխաների ծնողնեի համար, լոգոպեդական աշխատանքների իրազեկման նպատակով։
Պարբերաբար մշակել տեղեկատվական նյութեր՝ պաստառներ, տեղեկատվական թերթիկներ, ծնողների /օրինական ներկայացուցիչների/, համայնքների բնակիչների համար։
Խոսքային խանգարումների կանխարգելման նպատակով իրականացնել սեմինարներ՝ ծնողների, նախադպրոցական և դպրոցական հաստատությունների աշխատակիցների, ավագ դպրոցների աշակերտների համար։

Համագործակցություն (10%)

Համագործակցել Կենտրոնի բազմամասնագիտական թիմի, Հիմնադրամի տարբեր բաժինների հետ՝ առավելագույն արդյունքի հասնելու համար։
Սերտորեն համագործակցել համայնքների նախադպրոցական, դպրոցական, և առողջապահական հաստատությունների հետ:
Ստեղծել և պահպանել գործընկերային հարաբերություններ այլ կազմակերպությունների հետ։

ՔՈ ԹԻՄԸ

Լոգոպեդի դերը ստանձնելով՝ միանալու ես ՔՈԱՖ-ի Գյուղական ծրագրերի մեծ թիմին և աշխատելու ես ՔՈԱՖ-ի լոգոպեդական ծառայությունների համակարգողի անմիջական ղեկավարությամբ։

ԴՈՒ

Սպասելով քեզանից ավելին՝ մենք ակնկալում ենք, որ

ԴՈՒ ՏԻՐԱՊԵՏԵՍ

Անհատական և խմբային միջամտությունների հմտություններին, քանի որ ունես լոգոպեդի բարձրագույն կրթություն և ավելի քանի հինգ տարվա փորձ՝ որպես լոգոպեդ։
Գերազանց հայերենի՝ գրավոր և բանավոր:
Ոչ ֆորմալ կրթական մեթոդաբանություններին։

ԴՈՒ ԿԱՐՈՂԱՆԱՍ

Մատուցել որակյալ լոգոպեդական ծառայություններ, քանի որ ունես ավելի քան մեկ տարվա աշխատանքային փորձ համապատասխան ոլորտում։
Օգտագործել G Suite և աշխատանքային այլ հարթակներ։
Կազմակերպել աշխատանքը՝ ըստ առաջնահերթությունների։
Վերլուծել և աշխատել տվյալների հետ։
Համագործակցել բազմամասնագիտական թիմի հետ,։
Արդյունավետ աշխատել ծանրաբեռնված գրաֆիկով և հետևել վերջնաժամկետներին։
Գերազանց հաղորդակցվել բանավոր և գրավոր։

ԴՈՒ ԼԻՆԵՍ

Փոփոխության ջատագով,
Ստեղծագործ, կաղապարներից դուրս մտածող,
Բաց նորարարության համար և քննադատ,
Պատասխանատու և հաշվետու,
Մեդիագրագետ,
Շարունակական կրթության գաղափարի կրող։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ տարածվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբեդ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

Կյանք փոխող աշխատանքային փորձ,
Աշխատանք, որը կկարևորես ու կսիրես,
Մրցակցային աշխատավարձ,
Մասնագիտական աճի հնարավորություններ,
Անվճար անգլերենի դասընթացներ՝ ըստ կարիքի,
Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2025թ․ օգոստոսի 20-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։