ՔՈ ԴԵՐԸ

Եթե սիրում ես հյուրընկալության ոլորտը, ունես համապատասխան փորձ և փնտրում ես հնարավորություն միանալու այնպիսի թիմի, որը համադրում է բարձրակարգ սպասարկումն ու սոցիալական ազդեցությունը, ապա ՔՈԱՖ-ի («Հայաստանի մանուկներ» բարեգործական հիմնադրամ) Կոնցեպտ հյուրանոցում և Համագումարների կենտրոնում ադմինիստրատորի դերը հենց քեզ համար է։ Առավել մանրամասն․

ՔՈ ԹԻՄԸ

Ստանձնելով Կոնցեպտ հյուրանոցում ադմինիստրատորի դերը՝ դու կմիանաս Կոնցեպտ հյուրանոցի և համագումարների կենտրոնի թիմին և կաշխատես Միջոցառումների համակարգողի անմիջական առաջնորդությամբ։

ՍՊԱՍԱՐԿՈՒՄ (50%)

• Իրականացնել հյուրերի ժամանման, տեղավորման և մեկնման գործընթացը։
• Կատարել հյուրանոցի ամրագրումները՝ ճշգրիտ գրանցելով անհրաժեշտ տվյալները։
• Ընդունել վճարումներ՝ հետևելով սահմանված ֆինանսական ընթացակարգերին։
• Իրականացնել հյուրերի գրանցումները հյուրանոցային ծրագրում։
• Ծրագրում մուտքագրել և ելքագրել ստացված և սպառված ապրանքատեսակները։
• Սերտորեն համագործակցել մաքրության պատասխանատուների հետ՝ երաշխավորելու, որ սենյակների կահավորանքը, մաքրությունը և պայմանները համապատասխանում են ընդունված չափանիշներին։

ՏԵՂԵԿՈՒԹՅԱՆ ԿԱՌԱՎԱՐՈՒՄ (35%)

• Արձագանքել հարցումներին և տրամադրել համալիր տեղեկատվություն հյուրանոցի սենյակների, արժեքների և ծառայությունների վերաբերյալ։
• Հյուրերին տրամադրել տեղեկատվություն՝ վերջիններիս հանգիստը և ուղևորումը դեպի տեսարժան վայրեր կազմակերպելու վերաբերյալ։

ԱՌԱՋԱՐԿՆԵՐ ԵՎ ԲԱՐԵԼԱՎՈՒՄՆԵՐ (15%)

• Ներկայացնել նորարարական առաջարկներ՝ նպաստելու ընդունարանի ծառայությունների շարունակական կատարելագործմանը։

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

• Անգլերեն և ռուսերեն լեզուների գրավոր և բանավո խոսքին։
• Համակարգչային ծրագրերին (Ms Office, GSuite համակարգ), հյուրանոցային ծրագրով աշխատանքային փորձը կդիտվի որպես առավելություն։
• Հյուրանոցի ադմինիստրատիվ գործառույթներին, քանի որ ունես ոլորտին համապատասխան բարձրագույն կրթություն և սպասարկման ոլորտում աշխատանքային փորձ։

ԴՈՒ ԿԱՐՈՂԱՆԱՍ

• Մեծ պատասխանատվությամբ մոտենալ աշխատանքին, դրսևորել կազմակերպչական բարձր հմտություններ։
• Հաճախորդների հետ հաղորդակցվել արդյունավետ և բարձր մակարդակով, հարթել կոնֆլիկտային իրավիճակները։
• Աշխատել սթրեսային պայմաններում, պահպանել ժամկետները։

ԴՈՒ ԼԻՆԵՍ

• Պատրաստ մասնագիտական զարգացման։
• Պատրաստ աշխատել թիմային միջավայրում:
• Սոցիալապես պատասխանատու:
• Շարունակական կրթության գաղափարի կրող:
• Պատասխանատու և հաշվետու:

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

• Կյանք փոխող աշխատանքային փորձ,
• Աշխատանք, որը կկարևորես ու կսիրես,
• Մրցակցային աշխատավարձ,
• Մասնագիտական աճի հնարավորություններ,
• Անվճար անգլերենի դասընթացներ՝ ըստ կարիքի,
• Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2025թ․ հունիսի 21-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։