ՔՈ ԴԵՐԸ

Եթե սիրում ես աշխատել երեխաների և պատանիների հետ, պատրաստ ես դառնալ կրթական կենտրոնի այցեքարտը և աջակցել ամենօրյա կազմակերպչական աշխատանքներին, ապա ՔՈԱՖ-ի Լոռու մարզի ՍՄԱՐԹ կենտրոնի ընդունարանի աշխատակցի դերը հենց քեզ համար է։

ՔՈ ԹԻՄԸ

Դու կմիանաս ՔՈԱՖ ՍՄԱՐԹ ծրագրերի թիմին և կաշխատես Կրթական գործառնությունների համակարգողի անմիջական ղեկավարությամբ։

ՊԱՐՏԱԿԱՆՈՒԹՅՈՒՆՆԵՐ

• Ընդունել կենտրոնի այցելուներին, տրամադրել նրանց տեղեկատվություն, ներառյալ ուսումնական ծրագրերի և ծառայությունների մասին տեղեկատվությունները: Տրամադրել մանրամասն տեղեկատվություն ուսումնական ծրագրերի և ընդունելության գործընթացների վերաբերյալ:
• Պատասխանել մուտքային հեռախոսազանգերին և լիարժեք տեղեկատվություն տրամադրել կազմակերպության ծրագրերի և համալիրի ծառայությունների վերաբերյալ։
• Կազմակերպել և իրականացնել կենտրոնի տարածքի շրջայցեր նոր ուսանողների, ծնողների և հետաքրքրված կողմերի համար:
• Մշակել և պարբերաբար թարմացնել շրջայցի բովանդակությունը՝ ունենալով տարբեր տևողություններով և լեզուներով տարբերակներ։
• Պատասխանատվություն կրել ուսանողների տվյալների բազայի և հարակից ֆայլերի անխափան աշխատանքի համար։
• Պատասխանատվություն կրել կենտրոնի ուսանողների զանգերի համար՝ տեղեկացնելու չեղարկված, տեղափոխված դասերի, նոր ձևավորված խմբերի գրաֆիկների, առցանց դասերի մասին։ Ֆորս-մաժորային իրավիճակներում կատարել գրաֆիկի տեղեկացման մասին այլ զանգեր։
• Իրականացնել զանգեր՝ ճշտելու ուսանողների բացակայությունների պատճառները և հետևելու նրանց հաճախելիության գործընթացին։
• Կատարել կրթակարգի մասնակիցների անձնական տվյալների փոփոխություններ անհրաժեշտ ֆայլերում և կրթական կառավարման առցանց համակարգում։
• Իրականացնել ընդունելության գործընթացի զանգերը, մասնակիցներին և ծնողներին գրաֆիկների տեղեկացումը։
• Իրականացնել Կրթակարգի ուսումնական այլ ձևաչափերով (ՍՄԱՐԹամեջ, ՍՄԱՐԹ աշխատարան, ՍՄԱՐԹ այցեր և այլն) կազմակերպվող միջոցառումների մասին տեղեկացում Կենտրոնի ուսանողներին։
• Հետևել ուսանողների քարտ-անցագրային համակարգի (check-in, check-out) ճշգրիտ աշխատանքին և աջակցել QR կոդերի պատրաստման և տրամադրման գործընթացին։
• Հետևել կենտրոնի ուսանողների կողմից ՍՄԱՐԹ քաղաքացի Կրթական կառավարման առցանց հարթակի օգտագործմանը։
• Հավաքագրել և հետադարձ կապ ապահովել հարթակի օգտագործման ընթացքում առաջացած խնդիրների և տրվող լուծումների շուրջ։
• Օժանդակել ընդունելության ընթացքին և ներածական շաբաթվա կազմակերպչական աշխատանքներին։
• Կազմակերպել և տրամադրել ուսանողների Կրթակարգով նախատեսված մրցանակները և դրանց մասին տեղեկատվության լրացնել համապատասխան ֆայլերում և ուսուցման կառավարման առցանց հարթակում։
• Իրականացնել ընդունելության գործընթացի զանգերը, մասնակիցներին և ծնողներին գրաֆիկների տեղեկացումը։
• Կազմակերպել և վերահսկել ընդունարանի գույքի կոկիկ օգտագործումը և պահպանությունը։
• Իրականացնել միջգրասենյակային փաստաթղթաշրջանառություն։ Վարել կրթական և գործառնական այլ փաստաթղթեր։
• Իրականացնել վարչական այլ գործառույթներ՝ ըստ անհրաժեշտության։

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

• Հայերենի, ռուսերենի և անգլերենի՝ բանավոր և գրավոր հաղորդակցության բարձր մակարդակի։
• Տեխնոլոգիաների և էլեկտրոնային գործիքների կիրառման հմտությունների։

ԴՈՒ ԿԱՐՈՂԱՆԱՍ

• Սահուն աշխատել տեխնոլոգիաների հետ։
• Կառավարել կոնֆլիկտները և լինել թիմային խաղացող:
• Կազմակերպել աշխատանքն ըստ առաջնահերթությունների:
• Համագործակցել ավելի մեծ թիմի հետ:
• Գերազանց հաղորդակցվել բանավոր և գրավոր։
• Աշխատանքային գործընթացում կիրառել ԱԲ գործիքներ:

ԴՈՒ ԼԻՆԵՍ

• Աշխատանքային էթիկայի ջատագով:
• Նախաձեռնություն ստանձնող և կատարող:
• Ստեղծագործ, “out-of-the-box” մտածող:
• Բաց նորարարության համար և քննադատ:
• Պատասխանատու և հաշվետու:
• Մեդիագրագետ:
• Շարունակական կրթության գաղափարի կրող։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

• Կյանք փոխող աշխատանքային փորձ,
• Աշխատանք, որը կկարևորես ու կսիրես,
• Մրցակցային աշխատավարձ,
• Մասնագիտական աճի հնարավորություններ,
• Անվճար անգլերենի դասընթացներ՝ ըստ կարիքի,
• Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2025թ․ օգոստոսի 15-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։