ՔՈ ԴԵՐԸ

Որպես Ֆինանսական/Դրամաշնորհային Մասնագետ՝ դու կլինես ՔՈԱՖ ֆինանսական թիմի կարևոր անդամ՝ մասնակցելով կազմակերպության ֆինանսական հոսքերի արդյունավետ կառավարմանը և դրամաշնորհային ծրագրերի վերահսկմանը։ Եթե ունես վերլուծական մտածողություն, մանրուքների նկատմամբ ուշադրություն և ցանկանում ես քո ներդրումն ունենալ ՔՈԱՖ-ի ծրագրերի ֆինանսական կայունության ապահովման գործում, ապա այս հնարավորությունը հենց քեզ համար է։

ՔՈ ԹԻՄԸ

Դու կմիանաս ՔՈԱՖ-ի ֆինանսական թիմին և կաշխատես ՔՈԱՖ ֆինանսական պլանավորման և դրամաշնորհների ղեկավարի անմիջական առաջնորդության ներքո։

ՊԱՐՏԱԿԱՆՈՒԹՅՈՒՆՆԵՐ

• Աջակցել դրամաշնորհների և նվիրատվությունների ֆինանսական հոսքերի կառավարմանը՝ հետևելով կատարված ծախսերի համապատասխանությունը բյուջեին և շնորհատուի պահանջներին:
• Մասնակցել տարեկան և ծրագրային բյուջեների կազմման, վերլուծության և վերանայման գործընթացներին:
• Օժանդակել ֆինանսական հաշվետվությունների և վերլուծությունների պատրաստմանը՝ համաձայն շնորհատու կազմակերպությունների կանոնակարգերի:
• Աջակցել գնումների գործընթացի վերահսկմանը՝ ապահովելով դրա համապատասխանությունը Հիմնադրամի և շնորհատուների պահանջներին:
• Օժանդակել դրամաշնորհային պայմանագրերի վերանայման և լրացման գործընթացում, ինչպես նաև աջակցել ծրագրային թիմերին՝ դրամաշնորհային ծրագրերի իրականացման ընթացքում շնորհատու կազմակերպության պահանջներն արդյունավետորեն կատարելու հարցում:
• Ստուգել և վերանայել Հիմնադրամի կողմից տրված դրամաշնորհների ֆինանսական հաշվետվություններն ու ներկայացնել ֆինանսական պլանավորման և դրամաշնորհների ղեկավարի հաստատմանը։
• Մասնակցել ծրագրերի ֆինանսական հաշվետվությունների վերլուծությանը և աջակցել ֆինանսական կառավարման բարելավմանը:
• Մասնակցել տարեկան և ծրագրային աուդիտների կազմակերպման և իրականացման գործընթացներին:

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՈՒՆԵՆԱՍ

Պահանջվող որակավորումներ

• Բարձրագույն կրթություն ֆինանսների, հաշվապահության կամ հարակից ոլորտում,
• Նվազագույնը 3-4 տարվա աշխատանքային փորձ ֆինանսների/դրամաշնորհների կառավարման ոլորտում (շահույթ չհետապնդող կազմակերպություններում փորձը կդիտվի որպես առավելություն),
• Միջազգային դոնոր կազմակերպություններից ստացված դրամաշնորհների ֆինանսական կառավարման հմտություններ (ԱՄՆ դեսպանատուն, ԱՄՆ ՄԶԳ, ԵՄ և այլն),
• MS Excel-ի գերազանց իմացություն,
• Հաշվապահական ծրագրերի իմացությունը խիստ ցանկալի է,
• Հայերենի և անգլերենի գերազանց իմացություն (գրավոր և բանավոր),
• Ֆինանսական հաշվետվությունների պատրաստման փորձ,
• Վերլուծական մտածողություն և ուշադրություն մանրուքների նկատմամբ։

Ցանկալի հմտություններ

• Միջազգային դոնոր կազմակերպությունների հետ աշխատանքի փորձ,
• Գնումների ընթացակարգերի իմացություն,
• Աուդիտի գործընթացների իմացություն,
• Բազմաթիվ առաջնահերթություններ կառավարելու ունակություն,
• Թիմում արդյունավետ աշխատելու հմտություններ։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

• Կյանք փոխող աշխատանքային փորձ,
• Աշխատանք, որը կկարևորես ու կսիրես,
• Մրցակցային աշխատավարձ,
• Մասնագիտական աճի հնարավորություններ,
• Անվճար անգլերենի դասընթացներ՝ ըստ կարիքի,
• Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2025թ․ մայիսի 8-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։