ՔՈԱՖ-ի անգլերենի ծրագրերի նպատակն է հզորացնել Հայաստանի գյուղական համայնքների ուսանողներին և ուսուցիչներին՝ ապահովելով նրանց հաջողության համար անհրաժեշտ լեզվական հմտություններով ու քննադատական մտածողությամբ։ Մեր «Աքսես» և «Անգլախոս գյուղական համայնքներ» ծրագրերը վերջին տասնամյակում ներգրավել են ավելի քան 5,500 շահառու ուսանողներ, մանկավարժներ ու շրջանավարտներ՝ փոխակերպելով նրանց կյանքերը և դռներ բացելով նոր հնարավորությունների համար:
ՔՈԱՖ-ի անգլերենի ֆորմալ և ոչ ֆորմալ կրթական ծրագրերը նախատեսված են ինչպես ուսանողների, այնպես էլ ուսուցիչների համար: «Անգլախոս գյուղական համայնքներ» և «Լեզվի հորիզոններ» ծրագրերի միջոցով հանրակրթական դպրոցների ուսուցիչները հնարավորություն են ստանում սովորել անգլերեն, վերապատրաստվել և ոգեշնչել իրենց ուսանողներին: Մեր նախաձեռնության կարևոր ձեռքբերումներից է նաև դպրոցական նոր դասագրքերի մշակումը։ Վերապատրաստված ուսուցիչների ձեռքին դրանք դառնում են արդյունավետ գործիք, որոնք համապատասխանում են անգլերենի ուսումնական ծրագրի ամենաբարձր չափանիշներին և օգնում զարգացնել ուսանողների 21-րդ դարի հմտությունները:
Իսկ անգլերենի «Աքսես» ոչ ֆորմալ ծրագիրը, լեզվական հմտությունների զարգացման կողքին, ուսանողներին ծանոթացնում է նաև միջմշակութային, ժողովրդավարական արժեքներին ու ընդգծում կամավորության և անձնային աճի կարևորությունը։
«Երբ վերադարձա ԱՄՆ-ից, առաջին բանը, որ ուզում էի անել, իմ հայրենի Քարակերտ գյուղում անգլերենի ակումբ հիմնելն էր, որի շնորհիվ կկարողանայի օգնել անգլերեն սովորելու հնարավորություն չունեցող երեխաներին։ Կարծում եմ՝ իմ փորձը և «Աքսես» ծրագրի շնորհիվ ստեղծված կապերս կօգնեն ինձ իրականացնել այս գաղափարը»։
«Հիմա ես վստահ եմ, որ ծրագիրը օգտակար էր ոչ միայն ինձ համար, այլև իմ աշակերտների։ Մեր դպրոցներում դասավանդվող ծրագիրն այժմ ավելի «շատ է նման անգլերենի», որն իմ ուսանողները կարող են լսել և օգտագործել առօրյա կյանքում: Մեր դասընթացները ևս դարձել են ավելի ինտերակտիվ և հետաքրքիր»:
«Հայաստանի մանուկներ» բարեգործական հիմնադրամը (ՔՈԱՖ) շահույթ չհետապնդող հասարակական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով:
Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234
coaf@coaf.org
Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
Շահույթ չհետապնդող կազմակերպություն (#11-3579187)։ © 2005-2024 «Հայաստանի մանուկներ» բարեգործական հիմնադրամ։ Բոլոր իրավունքները պահպանված են։
ԿԱՊ ՄԵԶ ՀԵՏ
