Թվային նկարներ, որ մի օր կհայտնվեն բացօթյա արվեստանոցում

ՍՄԱՐԹ-ի երիտասարդներից ամեն մեկը հայտնի է իր այս կամ այն ուժեղ կողմով, Նվարդ Պետրոսյանն էլ՝ իր թվային նկարներով։

Թվային նկարչությունը Նվարդի՝ ՍՄԱՐԹ-ում մինչ օրս մասնակցած ծրագրերից մեկն է՝ Անգլերենի, Կատարողական արվեստի, Ծրագրավորման, Չինարենի և Ձայնային ձևավորման հետ միասին։ Ահա մի քանի ներշնչանք, որոնք Լոռու Օձուն գյուղից 17-ամյա Նվարդին օգնում են աշխարհում գեղեցիկը տեսնել։

Հասկանալով Վան Գոգին 

Նկարչության մեջ Նվարդն ամենաշատը ոգեշնչվում է Վան Գոգի կտավներից ու գտնում, որ իր նկարներում նրա գույներն ու շունչը կան։ Բացի նկարչի ստեղծագործություններից, ազդվել է նաև ծանոթանալով վերջինիս կյանքի պատմությանը, դիտել նրա մասին բոլոր ֆիլմերը։ «Ինձ շատ հուզեց այն, որ Վան Գոգն իր կենդանության օրոք միայն մի կտավ է վաճառել»,- ասում է Նվարդը։

Երազանքների քաղաքը 

Մոլորակի վրա Նվարդին ամենահետաքրքրող քաղաքը Էդինբուրգն է՝ շոտլանդական մայրաքաղաքը, որ հայտնի է արվեստի և մշակութի հարուստ ժառանգությամբ ու փառատոններով։ «Ինձ համար Էդինբուրգն ամենագեղեցիկ ճարտարապետություն ունեցող քաղաքն է»,- անկեղծանում է նա՝ անհամբեր սպասելով ամենը սեփական աչքերով տեսնելուն։ 

Բացօթյա արվեստանոց 

Ինչի՞ մասին կարող է երազել ամեն ինչում էսթետիկը փնտրող նկարիչը։ Դե իհարկե, բացօթյա արվեստանոցի։ Լինելով չքնաղ բնություն ունեցող Օձունից՝ Նվարդը սիրում ու գնահատում է բնաշխարհն ու երազում մի օր այնտեղ իր սեփական արվեստանոցն ունենալ։

Լինել Օձունից

Շուտով սկսվում է տարվա ամենաակտիվ զբոսաշրջային շրջանը, իսկ Հայաստանում զբոսաշրջիկների սիրելի վայրերից է նաև Օձունը։ Նվարդն ասում է՝ գյուղում զբոսաշրջիկներին մեծ սիրով են ընդունում ու հյուրասիրում այն բոլոր բարիքները, որ ամբողջ գյուղում աճում են՝ մոշ, հապալաս, մորի․․․ՍՄԱՐԹ-ը՝ երազանքների սկիզբ

Մտածելով իր երազանքների մասին՝ ասում է, որ դրանք բոլորը սկիզբ են առել ՍՄԱՐԹ-ից։ Վերջինս իր մեջ շատ կարծրատիպեր է կոտրել ու մտածողություն փոխել։ «ՍՄԱՐԹ-ում երբեք չես կարող ձանձրանալ, եթե հակված ես սովորելու․ բոլոր հնարավորությունները ստեղծված են դրա համար»,- ասում է նա։

Ինչպես բոլոր ՔՈԱՖցիները, Նվարդը ևս ՍՄԱՐԹ-ի ճարտարապետությունն առանձնահատուկ է համարում։ Երբ ՍՄԱՐԹ-ում լինեք, նրան փնտրեք կենտրոնի մեծ պատուհանների ու ծածուկ անկյունների մոտ։

Վերջին հրապարակումները

Սարգիս Ալեքյան. կատարողական արվեստից դրամատիկականի բեմ

Բնակության նոր հասցեն՝ Լոռիում. «Հույս» նախագիծ

ՔՈԱՖ-ի տարեմուտյան անցուդարձը

Կատեգորիա

ԿԱՊ ՄԵԶ ՀԵՏ

Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234

Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
[email protected]