Չկալովում [չկաlove] սեր կա

-Չկալով` «չկա love»(չկա սեր):
Այսպես են սովորաբար լոռեցիք կատակում, երբ անծանոթ մեկին առաջին անգամ ուղեկցում են Չկալով գյուղ: 

Իրականում գյուղը տեղով մեկ սեր է` իր հյուրասեր ու աշխատասեր մարդկանցով: 

Չկալովում օրերի տաքանալն ուղիղ համեմատական է  բնակչության աճին:

Առաջինը 82-ամյա Սիրուշ տատն է Վանաձորից վերադառնում գյուղ, որ տեր կանգնի իր այգուն ու վարդերին: Իսկ ուսումնական տարին ավարտելուն պես 14-ամյա Սուրենն է արդեն եղբոր հետ Չկալով գալիս: Հետո ամերիկաբնակ չկալովցիներ են գալիս, ու գյուղը կյանքով է լցվում: 

Չկալովը երբեք այդքան մարդաշատ չի լինում, որքան ամառային արձակուրդների ժամանակ:

Բուրդ չփխելու սեզոնը Չկալովում պաշտոնապես հայտարարված է բաց: Հասմիկ Ալավերդյանը հետ չի մնում գյուղի ավանդույթներից:
Վոլոդիա Մխիթարյանը երկու տարի է, ինչ վերջնական հաստատվեց հայրական գյուղում: Դեռ տունն է կարգի բերում ու նորից այգի հիմնում:
Գյուղի դիրքը հարմարավետ է անասնապահության համար: Հողագործությամբ այստեղ քիչ են զբաղվում:
16-ամյա Վլադիմիրի ամառային զբաղմունքներից մեկն էլ խոտհունձն է: Այս գործում ավելորդ ձեռքերը չեն խանգարում երբեք:
Սուսաննան փիփերթ է մաքրում: Ասում է՝ շատ առողջարար է, ու ինքը պատրաստման իր բաղադրատոմսն ունի:
Անին Չկալովի մշտական բնակիչներից է։ Թութը թափ տալու գործընթացն իրականացվում է նրա անմիջական ղեկավարությամբ:
Տեսարան Չկալովից:
Մերին, Սուրենն ու Անին կերակրում են մի քանի րոպե առաջ ձվից դուրս եկած ճտերին:
7 -ամյա Նարեկը պապիկի աջ ձեռքն է և այգում, և շինարարության գործերում:
«Էս մեկն իմ «օժիտի չամադանն» ա, էս սևն էլ` ամուսնուս «բանակի չամադանը»: Սենց պահում եմ…»,- ասում է 82-ամյա Սիրուշ տատը:
Գյուղում փակ դռների մի մասն ամռանը բացվում է, իսկ որոշները տարիներով փակ են մնում:

Վերջին հրապարակումները

Սարգիս Ալեքյան. կատարողական արվեստից դրամատիկականի բեմ

Բնակության նոր հասցեն՝ Լոռիում. «Հույս» նախագիծ

ՔՈԱՖ-ի տարեմուտյան անցուդարձը

Կատեգորիա

ԿԱՊ ՄԵԶ ՀԵՏ

Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234

Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
[email protected]