Հզորացրեք գյուղաբնակ երիտասարդներին՝ հասանելի դարձնելով անգլերենի ուսուցումը
Այս գարնանը միացեք մեր դրամահավաք-արշավին, որի նպատակն է անգլերենի որակյալ դասընթացներ առաջարկել Հայաստանի գյուղական համայնքների 3,500-ից ավելի աշակերտի: ՔՈԱՖ-ի և ԱՄՆ դեսպանատան համագործակցության շնորհիվ 2011 թվականից ի վեր 42 գյուղական համայնքի ավելի քան 5,550 աշակերտ սովորել է անգլերեն: Սա կարևոր է ոչ միայն լեզվական հմտությունների զարգացման, այլ նաև նոր մշակույթներին ծանոթանալու, միջազգային կրթական ծրագրերին մասնակցելու և ապագայում կարիերայի առաջխաղացման տեսանկյունից:
*Ձեր նվիրաբերությունների 100%-ը կուղղվի անգլերենի «Աքսես» ծրագրի մեկ ամբողջական տարվա ուսումնական նյութերի տրամադրմանը և ծրագրի շարունակական հաջողությանը։
ՔՈԱՖ-ի անգլերենի ծրագրերը մշակված են թե՛ ուսանողների և թե՛ ուսուցիչների համար։ Այս ծրագրերի միջոցով հանրակրթական դպրոցների ուսուցիչները հնարավորություն են ստանում բարելավել լեզվական հմտությունները, վերապատրաստվել և ձեռք բերել ուսանողներին ոգեշնչելու ունակություն։ Արդյունքում նրանք տարեցտարի հզորացնում են անթիվ ուսանողների, ինչի շնորհիվ մեր ծրագրերի ազդեցությունը երկարաժամկետ և կայուն է։
Նոր ուսումնական բովանդակություն մշակելու մեր ջանքերը ծրագրի մեկ այլ կարևոր մասն են։ Դրանց նպատակն այն է, որ վերապատրաստված ուսուցիչները համապատասխանեն անգլերենի ուսումնական ծրագրի ամենաբարձր չափանիշներին և կարողանան իրենց ուսանողների մոտ ձևավորել 21-րդ դարի հմտությունները:
Մեր արտադպրոցական ծրագրի միջոցով մենք գյուղաբնակ երիտասարդներին հնարավորություն ենք տալիս ոչ միայն զգալիորեն բարելավել անգլերենի տիրապետման հմտությունները, այլև նպաստել ժողովրդավարական, միջմշակութային արժեքներին, անձնական աճին և համայնքային զարգացմանը նպաստելու ցանկությանը:
«Երբ վերադարձա ԱՄՆ-ից, առաջին բանը, որ ուզում էի անել, իմ հայրենի Քարակերտ գյուղում անգլերենի ակումբ հիմնելն էր, որի շնորհիվ կկարողանայի օգնել անգլերեն սովորելու հնարավորություն չունեցող երեխաներին։ Կարծում եմ՝ իմ փորձը և «Աքսես» ծրագրի շնորհիվ ստեղծված կապերս կօգնեն ինձ իրականացնել այս գաղափարը»։
«Հիմա ես վստահ եմ, որ ծրագիրը օգտակար էր ոչ միայն ինձ համար, այլև իմ աշակերտների։ Մեր դպրոցներում դասավանդվող ծրագիրն այժմ ավելի «շատ է նման անգլերենի», որն իմ ուսանողները կարող են լսել և օգտագործել առօրյա կյանքում: Մեր դասընթացները ևս դարձել են ավելի ինտերակտիվ և հետաքրքիր»:
Չնայած անգլերեն սովորելու նկատմամբ աճող հետաքրքրությանը՝ շատ գյուղական համայնքներում բացակայում են որակյալ կրթություն ստանալու հնարավորությունները: Մեր նպատակն է լրացնել այդ բացը:
Աջակցելով անգլերենի ուսուցման մեր ծրագրերին՝ դուք ներդրում եք կատարում ոչ միայն լեզվական հմտությունների զարգացման գործում, այլև ավելի փայլուն ապագա եք կերտում Հայաստանի երիտասարդների համար: Շնորհակալ ենք, որ նպաստում եք Հայաստանի գյուղական շրջաններում անգլերենի որակյալ ուսուցում ապահովելու մեր տեսլականին:
«Հայաստանի մանուկներ» բարեգործական հիմնադրամը (ՔՈԱՖ) շահույթ չհետապնդող հասարակական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով:
Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234
coaf@coaf.org
Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
Շահույթ չհետապնդող կազմակերպություն (#11-3579187)։ © 2005-2024 «Հայաստանի մանուկներ» բարեգործական հիմնադրամ։ Բոլոր իրավունքները պահպանված են։
ԿԱՊ ՄԵԶ ՀԵՏ
