Պետրոսյան քույրերը. ՍՄԱՐԹ ռեկորդակրից մինչև ապագա  Նոբելյան մրցանակակիր 

Օձունից Պետրոսյան քույրերի ընտանիքում արդեն կատակում են, որ ՍՄԱՐԹ-ի ոչ մի ծրագիր «անհետևանք չի անցնում»։

Այսպես 12-ամյա Վերգինեն ագրոտեխնոլոգիայի ծրագրից ոգևորված իրենց բակում ազնվամորու փոքրիկ այգի է հիմնել, իսկ 17-ամյա Նարեն տարվել է չինական մշակույթով ու մոռացել պատառաքաղի մասին՝ նախընտրելով չինական փայտիկները։

Քույրերը ՍՄԱՐԹ-ի ծրագրերի մարաթոնի ռեկորդակիր են։ Այս պահին երկուսն էլ իրենց 10-րդ ծրագիրն են անցնում։ Նարեի համար դա վերջինն է, իսկ Վերգինեն մտադիր է բոլոր 15-ն էլ ավարտել։

«ՍՄԱՐԹ-ը, նախ և առաջ, հնարավորությունների, կարողություններդ բացահայտելու և տարբեր համայնքներից նոր ընկերներ ձեռք բերելու տեղ է»,- ասում է Նարեն։

Քույրերը նաև ՔՈԱՖ-ի ու «Վահէ և Լյուսի» հիմնադրամի կազմակերպած «Հայկականի արդիականացում» արվեստի մրցույթի հաղթողներից են։

Անհնար է ապրել արվեստագետների ընտանիքում ու գոնե «մի քիչ չնկարել»։ Վերգինեի բոլոր ծրագրավարներն ունեն նրա արած դիմանկարները, իսկ Նարեն հաջողացրել է տան եղած բոլոր վինիլային սկավառակները նկարազարդել։

Լավ հիշեք Նարեին, նա ամենայն պատասխանատվությամբ խոստանում է Նոբելյան մրցանակ ստանալ ֆիզիոլոգիայի ոլորտում։ Ինչպես տեսնում եք, նա արդեն անցել է գործի։

Վերգինեն բոլոր անհասկանալի իրավիճակներում նախընտրում է նկարել։

Պետրոսյանների տանը դժվար է գտնել մի անկյուն, որին աղջիկների վրձինը կպած չլինի։

Քույերը սիրում են միասին ժամանակ անցկացնել, ռուբիկ-կուբիկի նոր բանաձև սովորել կամ պարզապես զրուցել դեսից-դենից։

Մարքեթինգը Նարեի վերջին ծրագիրն է։

Եվս հինգ ծրագիր և Վերգինեն կդառնա այն եզակի ՍՄԱՐԹ քաղաքացիներից, ում հաջողվել է ավարտել կրթակարգի բոլոր 15 ծրագրերը։

Մարքեթինգի խմբային աշխատանքները միշտ աշխույժ են անցնում։

VR ֆիթնեսի ժամանակ և ՍՄԱՐԹ-ում առհասարակ Վերգինեն փորձում է «գլխից բարձր թռնել»։

Հեղինակ՝ Քնար Բաբայան

Վերջին հրապարակումները

Այսա Պողոսյան. փոքր Վանաձորից դեպի մեծ աշխարհ

Դեբետը նոր, ժամանակակից դպրոց կունենա

Պետրոսյան քույրերը. ՍՄԱՐԹ ռեկորդակրից մինչև ապագա  Նոբելյան մրցանակակիր 

Կատեգորիա

ԿԱՊ ՄԵԶ ՀԵՏ

Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234

Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
[email protected]