GIS-ը՝ ՍՄԱՐԹ կենտրոնի կրթակարգի առանցքում

Այն, ինչ սկսվեց որպես ՔՈԱՖ համայնքի աջակցությամբ իրականացվող նախաձեռնություն, այսօր դարձել է ՍՄԱՐԹ կենտրոնի կրթակակարգի առանցքային բաղադրիչներից մեկը։ Աշխարհագրական տեղեկատվական համակարգերի (GIS) ծրագիրը հաջողությամբ եզրափակում է իր առաջին կիսամյակը՝ ներգրավելով երեխաներին տվյալահեն մի ոլորտում, որտեղ իրենց շրջապատող աշխարհը վերածվում է կենդանի թվային մոդելի։

Երկարաժամկետ ազդեցություն

Անցած տարվա օգոստոսին ՔՈԱՖ-ը հայտարարեց դրամահավաք՝ GIS ծրագիրը ՔՈԱՖ ՍՄԱՐԹ կենտրոնում գործարկելու նպատակով. ծրագիր, որն անդրադառնում է տեխնոլոգիական ոլորտի զարգացումներին՝ միաժամանակ արձագանքելով տեղական կարիքներին։ GIS-ը ամբողջ աշխարհում արագ զարգացող ոլորտ է, իսկ Հայաստանի համայնքներում այն նաև կարևոր գործիք է, որն օգնում է երիտասարդներին հասկանալու իրենց միջավայրը և գիտակցված պլանավորելու ապագան։

Տվյալները և առօրյան համադրող ուսումնառություն

Այսօր շուրջ 2,000 ուսանող Լոռու 30 համայնքից հնարավորություն ունի ներգրավվելու վերափոխող ուսումնական գործընթացում։ GIS ծրագրի միջոցով ուսանողները.

• աշխատում են դրոնների և արբանյակային տվյալների հետ՝ աջակցելով ճշգրիտ գյուղատնտեսությանը
  
  
• քարտեզագրում են ջրհեղեղների և երկրաշարժերի ռիսկերը՝ նպաստելով համայնքային պատրաստվածությանը,
• բացահայտում են ենթակառուցվածքային բացերը և առաջարկում համապատասխան լուծումներ,
  ‍
• իրենց բնակավայրերը սկսում են դիտարկել որպես փոխկապակցված համակարգեր՝ վերաիմաստավորելով դրանք տվյալների և ստեղծագործականության միջոցով։

Հմտություններ՝ ապագայի համար

Կանխատեսվում է, որ hամաշխարհային GIS համակարգերի շուկայական արժեքը 2032 թ․-ին կգերազանցի 21 միլիարդ ԱՄՆ դոլարը, իսկ ոլորտի մասնագետների պահանջարկը կշարունակի աճել։ Այս ներդրումը Հայաստանի համայնքների երիտասարդներին հնարավորություն է տալիս ոչ միայն փոփոխվող աշխարհին համընթաց քայլել, այլև մրցունակ դիրք զբաղեցնել այնտեղ՝ միաժամանակ խթանելով երկրի զարգացմանը։

Ծրագրի շրջանակում երեխաները նոր հմտություններ են ձեռք բերում, բացահայտում ապագայի մասնագիտությունները և ներդրում ունենում սեփական համայնքների զարգացման գործում։

Շնորհակալ ենք

Ծրագրի իրականացումը հնարավոր դարձավ ՔՈԱՖ-ի նվիրված համայնքի շնորհիվ։ «Դեպի դպրոց» դրամահավաք-արշավի ընթացքում հավաքագրվեց ավելի քան 125,000 ԱՄՆ դոլար, ինչի արդյունքում GIS-ը իր արժանի տեղը գտավ ՍՄԱՐԹ կենտրոնի կրթակարգում։

Շնորհակալ ենք վստահելու, հավատալու և այս խոստումնալից ծրագրի գործարկմանն աջակցելու համար։

‍